Cartaz VIII campo de traballo

PEONADA 2021

O teito é de pedra.
De pedra son os muros
i as tebras.
De pedra o chan
i as reixas.
As portas,
as cadeas,
o aire,
as fenestras,
as olladas,
son de pedra.
Os corazós dos homes
que ao lonxe espreitan,
feitos están
tamén
de pedra.
I eu, morrendo
nesta longa noite
de pedra.

A Longa Noite de Pedra – Celso Emilio Ferreiro

Un ano máis volvémonos xuntar para darlle outra volta aos traballos de restauración na sede da Fundación. As datas son no mes de Xuño do 18 ao 30 e nesta ocasión o monográfico estará centrado na PEDRA, o material esencial do que está feito o corazón do capitalismo. Con todo, nós somos canteiros vellos e daquela faremos obradoiros prácticos de encintado, repicado, feitura de valados, muradas e cachote. Se vos apetece vir participar, poñédevos en contacto connosco : seredes todxs benvidxs.

P.D.: e ao final sortearemos un cursiño rápido de lapidación! 😉

Portomouro, Val do Dubra